एम.आय.डी.सी.साठी जागा निश्चित करून तत्काळ अहवाल पाठवा: आमदार राजेश एकडे

0
435

मंगेश फरपट |
व-हाड दूत न्यूज नेटवर्क
नांदुरा: येथे एमआयडीसी प्रस्तावित असून यासाठी जागेची स्थळ निश्चिती करून तातडीने प्रस्ताव शासनाला पाठवण्यात यावा असे निर्देश आमदार राजेश एकडे यांनी अधिकाऱ्यांना दिले. 
तालुका मुख्यालय असलेल्या नांदुरा येथे रेल्वे स्थानक असून नांदुरा शहर राष्ट्रीय महामार्गावर वसलेले आहे. नांदुरा येथिल बाजारपेठ देखील मोठी आहे. परंतु उद्योगधंद्यांना चालना मिळत नसल्याने नांदुरा तालुक्यामध्ये सुशिक्षित बेरोजगारांची संख्या दिवसेंदिवस वाढत आहे.तर अनेक सुशिक्षित बेरोजगारानी शहराची वाट धरली आहे.बेरोजगारांच्या हाताला काम व रोजगार मिळवून देण्याच्या अनुषंगाने मलकापूर विधानसभा मतदार संघाचे आमदार राजेश एकडे यांनी नांदुरा तालुक्यामध्ये नवीन एम.आय.डी.सी.मंजूर करावी अशी मागणी राज्याचे उद्योग मंत्री ना. सुभाष देसाई यांच्याकडे केली होती. त्या अनुषंगाने १२ फेब्रुवारी ला सायंकाळी महाराष्ट्र औद्योगिक विकास महामंडळ अमरावती चे प्रादेशिक अधिकारी राजाराम गुठले यांच्या समवेत आमदार राजेश एकडे यांनी नांदुरा येथे एम.आय.डी.सी.मंजूर करणे बाबत सुजातपूर, आमसरी, आंबोडा, सांगावा वडी येथील जागेची पाहणी केली.
नांदुरा येथे नवीन एम.आय.डी.सी.च्या जागेची स्थळ निश्चिती करून सदर बाबातचा मंजुरीचा प्रस्थाव तात्काळ शासनास सादर करावा अश्या सूचना केल्या. यावेळी नांदूऱ्या चे तहसीलदार राहुल तायडे, महाराष्ट्र औद्योगिक विकास महामंडळ अमरावती चे सर्व्हेअर बंडू राठोड, महाराष्ट्र औद्योगिक विकास महामंडळ खामगाव चे अभियंता श्री.धुर्वे, मंडळ अधिकारी श्री. उगले, श्री.बंगाळे, तलाठी श्री.म्हस्के, शकील पटेल प्रामुख्याने उपस्थित होते.

LEAVE A REPLY

Please enter your comment!
Please enter your name here